Idman.biz
İspaniyanın "Barselona" klubu La Liqanın 16-cı turunda "Osasuna" üzərində 2:0 hesablı qələbə qazanmaqla çempionatdakı məhsuldar seriyasını 37 oyuna çatdırıb.
İdman.Biz xəbər verir ki, bununla da katalonlar turnirin tarixində ikinci ən uzun qol seriyasını təkrarlayıblar. Bu barədə "Barselona"nın rəsmi saytı məlumat yayıb.
Qol seriyası 21 dekabr 2024-cü ildən başlayıb və klub tarixində ikinci ən uzun göstərici kimi qeydə alınıb. Bu nəticə Ernesto Valverde dövründə, 2018–2019-cu illər mövsümündə əldə olunan nailiyyətin təkrarıdır. Sözügedən müddət ərzində "Barselona" 101 qol vurub, orta hesabla hər oyunda təxminən üç dəfə fərqlənib və məhsuldarlıq futbolçular arasında bərabər şəkildə paylanıb.
Qeyd edək ki, "Barselona"nın La Liqadakı mütləq rekordu İspaniya çempionatında ardıcıl 63 oyunda qol vurmaqdır.
