Idman.biz
Bu gün futbol üzrə Bizon Azərbaycan Kubokunda ilk finalçı bəlli olacaq.
İdman.Biz xəbər verir ki, yarımfinalın cavab oyununda "Turan Tovuz" "Zirə"nin qonağı olacaq.
Oyun Zirə İdman Kompleksinin stadionunda saat 19:00-da başlayacaq. Matçı Əli Əliyev idarə edəcək.
İlk qarşılaşmada "Zirə" iki cavabsız qolla qalib gəlib.
Qeyd edək ki, yarımfinal mərhələsinin digər cavab matçı aprelin 22-də keçiriləcək. "Sabah" "Qarabağ"ı (ilk oyun - 2:2) qəbul edəcək.
