Idman.biz
Cari mövsümdə əsas məqsədi elitada yerini qorumaq olan "Kəpəz" qış fasiləsində heyəti gücləndirməyə çalışır.
İdman.Biz sport24.az-a istinadən xəbər verir ki, "sarı-göylər"in baş məşqçisi Azər Bağırov "Turan Tovuz"un iki futbolçusunu yanında görmək istəyir.
Söhbət Xəyal Nəcəfov və Abdulla Rzayevdən gedir. Gəncə təmsilçisinin baş məşqçisi hər iki futbolçu ilə şəxsən əlaqə saxlayıb və onlardan cavab gözləyir.
Qeyd edək ki, 23 yaşlı A.Rzayev ötən yay Tovuz təmsilçisinə qoşulub. Onun klubla hazırkı müqaviləsi gələn ilin yayında başa çatır. O, cari mövsümdə "boz qurdlar"ın heyətində Premyer Liqada cəmi iki matça çıxıb. 28 yaşlı X.Nəcəfov isə bu mövsüm səkkiz görüşdə meydanda olub və aktivində bir məhsuldar ötürmə var. Onun da tovuzlularla anlaşmasının müddəti gələn ilin yayında bitir.
