Idman.biz
İtaliya A Seriyasının 16-cı turunda "Cenoa" doğma meydanda "Atalanta"ya minimal hesabla uduzub – 0:1.
İdman.Biz xəbər verir ki, qarşılaşmada yeganə qol əlavə olunmuş vaxtda vurulub.
Oyunun 90+4-cü dəqiqəsində İsveçli müdafiəçi İsak Hin qonaqlara qələbə qazandıran topun müəllifi olub.
Matçın taleyinə erkən epizod ciddi təsir göstərib. Belə ki, 3-cü dəqiqədə "Cenoa"nın qapıçısı Nikola Leali birbaşa qırmızı vərəqə alaraq meydandan qovulub və ev sahibləri demək olar ki, bütün oyunu azlıqda keçirməli olublar.
Bu nəticə ilə "Atalanta" bütün turnirlərdə ardıcıl üçüncü qələbəsini qazanıb və turnir cədvəlində dörd pillə irəliləyərək 16 oyundan sonra 22 xalla 9-cu yerə yüksəlib. "Cenoa" isə 14 xalla 17-ci pillədə qərarlaşıb.
