Idman.biz
"Mançester Yunayted"in baş məşqçisi Ruben Amorim, komandanın İngiltərə Premyer Liqası titulunu qazanmaq üçün 10 il və ya daha çox vaxta ehtiyacı ola biləcəyi ilə bağlı "Qırmızı şeytanlar" keçmiş baş məşqçisi Ser Aleks Ferqyusonun dediklərinə cavab verib.
İdman.Biz-in məlumatına görə, Amorim Ferqyusonun fikirlərinə qatılmadığını ifadə edib.
"O (Ferqyuson), futbolu, xüsusən də İngiltərə futbolunu məndən daha yaxşı başa düşür. Düşünmürəm ki, liqanı qazanmaq üçün çox vaxt lazım olacaq. Burada hansı baş məşqçinin olacağını bilmirəm, amma səmimi qəlbdən inanıram ki, "Mançester Yunayted" qarşıdakı illərdə titul uğrunda mübarizə apara bilər. Bunun çox vaxt aparacağını düşünmürəm, amma kim bilir", - Amorim "Mançester Evening News" qəzetinə bildirib.
"Qırmızı şeytanlar" sonuncu dəfə İngiltərə Premyer Liqası titulunu Ferqyusonun rəhbərlik etdiyi 2013-cü ildə qazanıb.
