Idman.biz
"Liverpul"un hücumçusu Aleksander İsak ayaq əməliyyatından sonra sosial media hesabında paylaşım edib.
İdman.Biz xəbər verir ki, isveçli hücumçu Premyer Liqada "Tottenhem" üzərində 2:1 hesablı qələbə qazanılan oyunda topuq nahiyəsindən zədə alıb.
"The Athletic" qəzeti onun bir neçə ay oynaya bilməyəcəyini bildirib.
"Bir müddət oynaya bilməyəcəyim üçün məyus oldum. İndi sağalmaq və dəstək almaq vaxtıdır. Ən qısa zamanda geri dönmək üçün çox çalışacağam. Xoş mesajlar üçün "qırmızılar"a və hər kəsə təşəkkür edirəm; onlar diqqətdən kənarda qalmayıb!", - İsak yazıb.
İsveçli hücumçu son transfer pəncərəsində "Liverpul"a qoşulub. İsak "mersisaydlılar"ın heyətində 16 oyunda iştirak edib, üç qol vurub və bir məhsuldar ötürmə edib.
