Idman.biz
Afrika Futbol Konfederasiyası (CAF) FIFA prezidenti Canni İnfantino və baş katib Mattias Qrafströmün dünya çempionatı hüquqlarının bir hissəsini satmaq planlarına görə üzr istəmələri ilə bağlı açıqlamasından sonra onları dəstəkləyib.
İdman.Biz bildirir ki, bundan əlavə, CAF İcraiyyə Komitəsi yekdilliklə İnfantinoya dəstəyini bir daha təsdiqləyi bvə ona "illər boyu Afrika futboluna verdiyi dəstəyə" və 2026-cı il dünya çempionatının uğurla keçirilməsinə görə təşəkkür edib
"CAF FIFA prezidenti Canni İnfantino və baş katib Mattias Qrafströmün birgə bəyanatını alqışlayır və tam dəstəkləyir. Afrika futbolunun dünyanın ən yaxşıları arasında olmasını təmin etmək üçün çalışmağa davam edəcəyik və korporativ idarəetmə, şəffaflıq və audit üzrə qlobal standartlara sadiq olduğumuzu bir daha təsdiqləyirik.
Afrikadakı bizim üçün yaxşı idarəetmə, lazımi proses və şəffaflıq prinsiplərinə riayət etmək çox vacibdir və müzakirə olunmazdır. Hökumətlərimizdən, müəssisələrimizdən və digər təşkilatlarımızdan gözlədiyimiz davranış məhz budur. CAF həmçinin eyni standartlara riayət etməyə borcludur...
Biz FIFA, onun milli assosiasiyaları, digər futbol konfederasiyaları və bütün maraqlı tərəflərlə idarəetmə, prosedur bütövlüyü və şəffaflıq sahəsində qlobal ən yaxşı təcrübələri qorumaq və dəstəkləmək, eləcə də futbolun dünya miqyasında inkişafını təşviq etmək üçün sıx əməkdaşlıq etməyə davam etmək niyyətindəyik", - deyə CAF prezidenti Patris Motsepe açıqlamasında bildirib.
