Report.az
Ukraynanın "Dinamo" (Kiyev) komandası Bakıda "Qarabağ"a qarşı keçirəcəyi UEFA Konfrans Liqasının III təsnifat mərhələsinin cavab oyununda dəstəksiz qalmayacaq.
Bu barədə "Report"un sorğusuna cavab olaraq Azərbaycan təmsilçisinin Kommunikasiya departamentinin rəhbəri Anar Hacıyev məlumat verib.
O, qonaqların təxminən 50-yə yaxın bilet istədiyini söyləyib.
Xatırladaq ki, "Qarabağ" - "Dinamo" oyunu avqustun 13-də, saat 20:00-da Tofiq Bəhramov adına Respublika stadionunda təşkil olunacaq. Polşadakı ilk matçda Kiyev klubu 1:0 hesabı ilə qalib gəlib.
