Report.az
Türkiyənin "Qalatasaray" futbol klubunun rəhbərliyi, komandanın UEFA Çempionlar Liqasının liqa mərhələsinin IV turunda "Ştutqart"la matçdan sonra yarımmüdafiəçi Aleksey Batrakovla müqavilədəki əsas bəndi dəyişdirmək qərarına gəlib.
"Report" xəbər verir ki, bu barədə jurnalist Emre Cingilerin "X" sosial şəbəkəsindəki hesabında bildirib.
O, qeyd edib ki, "Qalatasaray" rəhbərliyi Batrakovla müqavilədəki 55 milyon avroluq sərbəst buraxılış bəndini ya çıxarmaq, ya da məbləği artırmaq istəyir. Oyunçunun nümayəndələrinin danışıqlar aparmaq barədə razılığa gəldiyi bildirilir.
Qeyd edək ki, "Qalatasaray" "Ştutqart"ı 2:0 hesabı ilə məğlub edib. Matçda qolların hər ikisini A.Batrakov vurub.
Qeyd edək ki, A.Batrakov "Qalatasaray" tarixində Çempionlar Liqasının matçında ardıcıl üç qol vuran ilk yarımmüdafiəçi olub. İyirmi bir yaşlı futbolçu "Ştutqart"la matçın ən yaxşı oyunçusu seçilib.
"Çox xoşbəxtəm. Komanda yoldaşlarıma, məşqçimə, texniki heyətə, tibbi heyətə, azarkeşlərimizə və ailəmə təşəkkür etmək istəyirəm", - A.Batrakov oyundan sonra deyib.
Yarımmüdafiəçi cari mövsümün bütün yarışlarında 12 oyun keçirib, beş qol vurub və üç məhsuldar ötürmə edib.
