Report.az
İngiltərə təmsilçisi "Mançester Yunayted" baş məşqçisi Maykl Kerrik ilə yeni müqavilə imzalayıb.
"Report" xəbər verir ki, bu barədə klubun mətbuat xidməti məlumat yayıb.
Yeni anlaşma 2028-ci ilə qədər nəzərdə tutulub. Müqavilədə əlavə bir mövsüm uzatma seçimi də yer alıb.
Qeyd edək ki, Kerrik 2026-cı ilin yanvarında Ruben Amorimin istefasından sonra komandanın müvəqqəti baş məşqçisi təyin olunmuşdu. 44 yaşlı mütəxəssisin rəhbərliyi altında "qırmızı şeytanlar" UEFA Çempionlar Liqasına vəsiqə qazanıb.
Premyer Liqanın son turu öncəsi "Mançester Yunayted" 68 xalla turnir cədvəlinin üçüncü pilləsində qərarlaşıb.
