Report.az
İtaliyanın "Latsio" klubu "İnter"in yarımmüdafiəçisi Davide Frattesinin keçidini razılaşdırıb.
"Report" insayder Fabritsio Romanoya istinadən xəbər verir ki, Roma təmsilçisi futbolçunu 1 milyon avroya icarəyə götürəcək.
Müqavilədə 14 milyon avroya satınalma bəndi nəzərdə tutulub. Həmçinin futbolçunun növbəti satışından "İnter" 50 faiz pay alacaq.
Qeyd edək ki, D.Frattesi 2023-cü ilin yayından "İnter"də çıxış edir. O, bu komandanın heyətində keçirdiyi 122 oyunda 15 qol vurub və 12 məhsuldar ötürmə edib.
