Report.az
"Vest Hem"in kapitanı Carrod Bouen İngiltərə Premyer Liqasının bir neçə aparıcı klubunun diqqətini cəlb edib.
"Report" "The Guardian" nəşrinə istinadən xəbər verir ki, "Çelsi", "Liverpul" və "Mançester Yunayted" 29 yaşlı yarımmüdafiəçini heyətinə qatmağı düşünür.
London təmsilçisi elitanı tərk etsə, çox güman, maliyyə vəziyyətini yaxşılaşdırmaq üçün kapitan da daxil olmaqla bir neçə oyunçunu satacaq.
Xatırladaq ki, Carrod Bouen 2020-ci ildən "Vest Hem"də oynayır. O, cari mövsümdə 8 qol və 10 məhsuldar ötürmə ilə yadda qalıb.
