top
İdmandan kənar: Aclıqdan, küçə həyatından dünya boksunun taxtına - Foto/Video Oxu.az
Today, 07:00
- ↺ +

"İdmandan kənar": Aclıqdan, küçə həyatından dünya boksunun taxtına - Foto/Video

Yeniyetmə yaşlarında ailəsinə kömək etmək üçün doğma evini tərk etdi. Manila küçələrində yaşadı, tikintidə çalışdı, lakin boksçu olmaq arzusundan vaz keçmədi. İllər sonra isə səkkiz müxtəlif çəki dərəcəsində dünya çempionu olan ilk boksçu kimi tarixə düşdü.

Oxu.Az-ın "İdmandan kənar" rubrikasında bu dəfə Filippin boksunun əfsanəsi Menni Pakyaonun həyat hekayəsindən bəhs edəcəyik.

Yoxsulluqla başlayan həyat

Əsl adı Emmanuel Dapidran Pakyao olan gələcək çempion 1978-ci il dekabrın 17-də Filippində dünyaya gəlib. O, altı uşaqlı ailədə böyüyüb. Ailəsinin maddi vəziyyəti ağır olduğundan Menni erkən yaşlarından işləməyə məcbur qalıb.

Təhsilini davam etdirmək də onun üçün asan olmayıb. Maddi çətinliklər səbəbindən məktəbi yarımçıq qoyan Pakyao ailəsinə kömək etmək üçün müxtəlif işlərdə çalışıb.

Boksla 12 yaşında tanış olub. Bu idman növü onun üçün sadəcə maraq deyil, gələcəkdə ailəsinin həyatını dəyişə biləcək bir fürsət idi.

14 yaşında doğma evini tərk edərək Manilaya yollanıb. Bir müddət küçələrdə yaşayıb, tikintidə işləyib və qazandığı pulları ailəsinə göndərib.

İdmandan kənar: Aclıqdan, küçə həyatından dünya boksunun taxtına - Foto/Video

16 yaşında peşəkar rinqə çıxdı

Pakyaonun peşəkar boks karyerası 1995-ci il yanvarın 22-də başlayıb. Həmin vaxt onun cəmi 16 yaşı var idi.

İlk döyüşlərində aşağı çəki dərəcələrində çıxış edən filippinli idmançı sürəti, dözümlülüyü və hücum üslubu ilə seçilirdi.

1998-ci ildə Tailand təmsilçisi Çatçai Sasakulu məğlub edərək Ümumdünya Boks Şurasının (WBC) versiyası üzrə ilk dünya çempionluğunu qazanıb. Bu, onun böyük karyerasının başlanğıcı olub.

Sonrakı illərdə Pakyao daha yüksək çəki dərəcələrinə keçərək dünyanın tanınmış boksçularına qarşı mübarizə aparıb. O, Marko Antonio Barrera, Erik Morales və Xuan Manuel Markes kimi rəqiblərlə qarşılaşıb. Bu döyüşlər onun adını dünya boksunun ən böyük simaları sırasına çıxarıb.

İdmandan kənar: Aclıqdan, küçə həyatından dünya boksunun taxtına - Foto/Video

Tarixə düşən səkkiz çəki dərəcəsi

Pakyaonun karyerasının ən böyük nailiyyəti müxtəlif çəki dərəcələrində dünya çempionu olmasıdır.

O, 2000-ci illərdən etibarən daha yüksək çəki dərəcələrinə keçsə də, sürətini və döyüş üslubunu qorumağı bacarıb. Nəticədə səkkiz müxtəlif çəki dərəcəsində dünya çempionu olan ilk boksçu kimi tarixə düşüb.

2019-cu ildə amerikalı Keyt Turmanı məğlub edən Pakyao 40 yaşında yarımorta çəkidə ən yaşlı dünya çempionu olub.

Onun ən çox gözlənilən döyüşlərindən biri isə 2015-ci ildə Floyd Meyvezerlə qarşılaşması idi. "Əsrin döyüşü" adlandırılan bu görüşdə Pakyao hakimlərin yekdil qərarı ilə məğlub olub.

Buna baxmayaraq, onun boks tarixindəki yeri dəyişməyib. Pakyao 12 dünya tituluna sahib olub və səkkiz çəki dərəcəsində çempionluq rekordunu qoruyub.

Rinqdən siyasətə

Pakyao yalnız idman karyerası ilə kifayətlənməyib. O, 2010-cu ildə Filippində siyasi fəaliyyətə başlayıb və Sarangani əyalətindən Nümayəndələr Palatasına deputat seçilib.

2016-cı ildə ölkə Senatına üzv seçilən boksçu 2022-ci ilədək bu vəzifədə çalışıb. 2022-ci ildə Filippində keçirilən prezident seçkisində namizədliyini irəli sürsə də, qalib gələ bilməyib.

Onun siyasətə gəlişi ölkəsində birmənalı qarşılanmasa da, Pakyao ictimai fəaliyyətini davam etdirib.

İdmandan kənar: Aclıqdan, küçə həyatından dünya boksunun taxtına - Foto/Video

Təqaüd qərarı və rinqə dönüş

Pakyao 2021-ci ildə peşəkar boks karyerasını başa vurduğunu açıqlayıb. O, həmin vaxt bu qərarı həyatının ən çətin addımlarından biri kimi qiymətləndirib.

Lakin onun rinqdən uzaq qalması uzun sürməyib. 2025-ci ilin iyulunda, dördillik fasilədən sonra amerikalı Mario Barriosla döyüşə çıxıb. WBC versiyası üzrə yarımorta çəkidə dünya çempionluğu uğrunda keçirilən qarşılaşma heç-heçə ilə başa çatıb.

Pakyao 2025-ci ildə Beynəlxalq Boks Şöhrət Zalına da daxil edilib.

Beləliklə, uşaqlıq illərində ailəsinə kömək etmək üçün küçələrdə yaşamağa məcbur qalan yeniyetmə dünya boksunun ən böyük simalarından birinə çevrilib.

Menni Pakyaonun həyat hekayəsi yalnız qazanılan titullardan deyil, həm də yoxsulluğa və çətinliklərə baxmayaraq, arzularından vaz keçməyən insanın əzmindən bəhs edir.

İdmandan kənar: Aclıqdan, küçə həyatından dünya boksunun taxtına - Foto/Video

Birev — ev elanları, mənzil, həyət evi, torpaq, ofis | Daşınmaz əmlak platforması
Qarabağ FK

Latest news

Football
Today, 21:24

Murad Məmmədovun komandasından qələbə

Football
Today, 21:09

“Qəbələ” “Şəfa”nı belə məğlub etdi - Video

Football
Today, 20:46

Amad Diallo Manchester United-dən ayrılma ehtimalı

Judo
Today, 20:04

İlham Zəkiyev Qran-Pridə bürünc medal qazanıb

Football
Today, 19:35

Meydanda zədələndi, xəstəxanaya aparıldı

Football
Today, 19:12

"Qalatasaray" ardıcıl altıncı qələbəsini qazandı - Video

Tennis
Today, 19:07

Nadal “Real”da yeni vəzifəyə seçildi

Football
Today, 18:48

Klubumuz UEFA Regionlar Kubokunda 12 cavabsız qolla məğlub oldu

Others
Today, 18:39

Peşəkar Çövkən Liqasına yekun vurulub

Football
Today, 18:16

"Barselona" hücumun mərkəzinə 172 milyon dollarlıq ulduzu transfer etmək istəyir - Foto

Football
Today, 18:11

Şamaxı vs Turan Tovuz matçının video icmalı

Basketball
Today, 17:56

Azərbaycan ilk dəfə oğlanlar arasında basketbol üzrə U-20 Avropa çempionatına ev sahibliyi edəcək

Football
Today, 17:39

"Ayın qolu"nun müəllifi mükafatlandırıldı

Wrestling
Today, 17:38

Yunan-Roma və sərbəst güləş üzrə Naxçıvan şəhər birinciliyi keçirilib

Others
Today, 16:25

"Real" satılacaq, ya yox?

Football
Today, 15:40

Kriştiano Ronaldo 38-ci penalti uğursuzluğunu yaşadı

Football
Today, 15:36

Ayvan Touni İngiltərə Premyer Liqasına qayıda bilər

Football
Today, 15:18

İtaliya klubu millimizin üzvü ilə müqaviləni uzatdı

Judo
Today, 14:30

Bu gün Tahir Abdullayevin döyüşü var

Football
Today, 14:22

Olise də sıradan çıxdı

Wrestling
Today, 14:17

Fərid Qayıbov Qazaxda yeni yaradılan güləş zalında aparılan işlərlə tanış olub

Football
Today, 13:30

İngiltərə klubundan baş məşqçi qərarı

Olympics
Today, 13:27

Fərid Qayıbov Qazaxda idman federasiyalarının nümayəndələri ilə 29-cu görüşünü keçirib

Football
Today, 13:25

"Şamaxı" - "Turan Tovuz": Heyətlər

Related news