Idman.biz
Macarıstanın Sigetsenmikloş şəhərində keçirilən sumo üzrə Avropa çempionatına yekun vurulub.
İdman.biz xəbər verir ki, yarışın son günündə Azərbaycan idmançıları 4 çəki dərəcəsində dohyoya çıxıblar.
Onlardan böyüklər kateqoriyasında mübarizə aparan Çingiz Səmədov bürünc medal əldə edib. 100 kq çəki dərəcəsində qüvvəsini sınayan idmançımız ötən il Yunanıstanın Lutraki şəhərində keçirilmiş qitə birinciliyində gümüş medal qazanmışdı.
Qeyd edək ki, Avropa çempionatında Yapon Döyüş növləri və Mədəniyyəti Assosiasiyasının rəhbərliyi altında ölkəmizi 4 sumoçu təmsil edib. U-21, U-23 və böyüklər kateqoriyaları üzrə təşkil edilən qitə birinciliyində daha əvvəl U-23 kateqoriyasında döyüşən Rəsul Məmmədzadə fəxri kürsünün ikinci pilləsinə yüksəlib.
İdman.biz
