Report.az
Azərbaycan Basketbol Liqasında yarımfinala vəsiqə qazanan sonuncu komanda bəlli olub.
"Report"un məlumatına görə, pley-off mərhələsinin üçüncü oyununda "Abşeron" və "Naxçıvan" münasibətlərə aydınlıq gətiriblər.
Bakı İdman Sarayında reallaşan görüşdə 78:73hesabı ilə qalib gələn "Abşeron" yarımfinala vəsiqə qazanıb.
Bunadək tərəflər bu raundda hərəyə bir qalibiyyət əldə etmişdilər.
Qeyd edək ki, Erhan Tokerin rəhbərlik etdiyi kollektiv növbəti mərhələdə "Neftçi" ilə üz-üzə gələcək. Digər yarımfinal cütündə isə "Sabah" və "Şəki" komandaları qarşılaşacaqlar.
