İdman.biz
Bu gün cüdo üzrə Zaqrebdə Qran-prisinə start verilib.
İdman.biz xəbər verir ki, turnirin ilk günündə 3 çəkidə 5 cüdoçumuz tatamiyə çıxır.
Kişilərin yarışında 4, qadınlarda isə 1 təmsilçimiz iştirak edir.
Cüdo: Zaqreb Qran-prisi
Kişilər
60 kq
Əhməd Yusifov ilk mərhələdə Macarıstan cüdoçusu Marton Andrassinini, 1/8 finalda isə belçikalı Olivier Naerti məğlub edib. Yusifov 1/4 finalda Lior Rafailovla (İsrail) qarşılaşacaq.
Turan Bayramov 1/8 finalda Qabin Supervilldən (Fransa) güclü olub. Onun növbəti rəqibi Daniel Leutger (Avstriya) olacaq.
66 kq
Ruslan Paşayev 1/8 finalda Dani Klaçarı yolundan uzaqlaşdırıb. O 1/4 finalda Eran Fikslə qarşılaşacaq.
Nazir Talıbov ilk mərhələdə İsaya Ramiresə (ABŞ) qalib gəlib. O, 1/8 finalda gürcüstanlı Tenqo Ziraqaşviliyə uduzaraq mübarizəni dayandırıb.
Qadınlar
52 kq
Aydan Vəliyeva 1/8 finalda kosovolu Erza Muminoviqini məğlub edib. Onun 1/4 finalda rəqibi Roza Qyertyas (Macarıstan) olacaq.
Qeyd edək ki, turnirdə ölkəmiz 10 cüdoçu ilə təmsil olunub.
İdman.biz
