Idman.biz
Azərbaycan Taekvondo Federasiyasının məşq zalında taekvondo üzrə böyüklərdən ibarət kişi və qadınlardan ibarət yığmanın iştirakı ilə açıq dairəvi döyüş məşqləri keçirilib.
İdman.biz xəbər verir ki, millinin baş məşqçisi Məmməd Abdullayevin rəhbərliyi altında keçirilən məşqlərə 2009-cu il təvəllüdlü və ondan yuxarı yaş qruplarına aid klub təmsilçiləri də qatılıblar.
13 klubdan ümumilikdə 95 idmançının iştirakı ilə baş tutan açıq məşqlərin əsas məqsədi idmançılarının döyüş təcrübəsini artırmaq, onların texniki-taktiki hazırlıq səviyyəsini yoxlamaq və milli ilə qarşılıqlı təcrübə mübadiləsinə şərait yaratmaq olub.
Qeyd edək ki, federasiya bu kimi açıq məşqlərin davamlı keçirilməsi ilə gənc istedadların üzə çıxarılmasını, eləcə də milli komandanın geniş heyət bazasının formalaşdırılmasını qarşısına məqsəd qoyur.
İdman.biz
