Idman.biz
Braziliyanın "Santos" futbol klubunun hücumçusu Neymar zədələnib.
İdman.Biz-in məlumatına görə, 34 yaşlı futbolçu 0:0 hesabı ilə başa çatan Braziliya Kubokunda "Palmeyras"la oyunda zədə alıb. Neymar meydanda birinci hissəni keçirib və fasilədə əvəzlənib.
Sonrakı tibbi müayinə braziliyalı hücumçuda zədə aşkarlayıb. Gözlənilir ki, o, xəsarət səbəbindən bir neçə həftəni buraxmalı olacaq.
Qeyd edək ki, matçdan sonra Neymar "Santos"un ev stadionundakı qazonun durumunu tənqid edib.
İki oyunun nəticəsinə əsasən, "Santos" ümumi 0:3 hesabı ilə "Palmeyras"a uduzub və Braziliya Kubokunda mübarizəni dayandırıb.
