Idman.biz
Azərbaycanlı kikboksçu Bəhram Rəcəbzadə (95 kq) "Glory100" turnirinin finalında məğlubiyyətdən sonra qayıdacağına söz verib.
İdman.biz xəbər verir ki, həlledici döyüşdə Qvineya təmsilçisi Mori Kroma uduzan döyüşçümüz qarşılaşmadan sonra sosial şəbəkədə paylaşım edib.
Rəqibini təbrik edən Bəhram uğursuzluğa baxmayaraq, rinqdə yeni çağırışlara hazır olduğunu vurğulayıb: "Bəzən qalib gəlirsən, bəzən uduzursan. Dünən səni qələbə ilə sevindirə bilmədim və qürur duymağa əsas verə bilmədim. Bu bəhanə deyil - bu, daha da güclü qayıtmaq vədidir. Rəqibimi qələbə münasibətilə təbrik edirəm. Mənə inanmaqda davam edən hər kəsə təşəkkürümü bildirirəm. Növbəti dəfə görüşənədək".
Qeyd edək ki, 33 yaşlı idmançımız ilk görüşdə albaniyalı Asdren Qaşiyə qalib gəlib.
İdman.biz
