Idman.biz
Boks üzrə ağır çəkidə ukraynalı 38 yaşlı məğlubedilməz, mütləq dünya çempionu Aleksandr Usık rinqdə uğur qazanmağa nəyin hesabına nail olduğunu açıqlayıb.
İdman.biz bildirir ki, bu barədə o, sosial şəbəkədəki hesabında yazıb.
"Həyatda heç nə asan olmur. Uşaqlıqdan mən nizam-intizam, səbr və fədakarlıq prinsiplərini rəhbər tutmuşam. Bu dəyərlər məni formalaşdırıb və çətin anlarda mənə dəstək olmaqda davam edir.
İntizam mənim ilham mənbəyim, irəliləmək üçün motivasiyam və çətin anlarda dəstəyimdir. Bunun sayəsində mən mühüm uğur qazandım: Olimpiya qızılını uddum və iki çəki dərəcəsində şəksiz dünya çempionu oldum.
Ancaq mən heç vaxt təkbaşına döyüşmürəm. Hər dəfə rinqə çıxanda mənə inanan insanlar tərəfindən dəstəklənirdim. Bu kəmərlər... Onlar sadəcə metal və ya dəri parçaları deyil. Onlar illərin əməyinin, fədakarlığın və nizam-intizamın nəticəsidir. Hər səhər, hər raund, hər şübhə anı – bütün bunlar məni onları qazanmağa aparıb", - Usik bildirib
