Idman.biz
Serbiyanın "Partizan" basketbol klubu Avroliqada ədalətli hakimlik tələb edən rəsmi bəyanat yayıb.
İdman.Biz bildirir ki, klub mövsümün ilk doqquz oyununda bir neçə mübahisəli məqamı, o cümlədən "Milan"la oyunda Jabari Parkerə qarşı mövcud olmayan qayda pozuntusu, "Barselona" ilə matçda topun meydandan kənaraa çıxmasının sayılmamasını və "Olimpiakos"a qarşı cərimə atışlarında dramatik fərqi (31:5) vurğulayıb.
"Partizan" xüsusi şərtlər və ya güzəşt tələb etmir - biz yalnız qarşıdakı oyunlarda ardıcıl hakimlik və bərabər əsasda qələbələr uğrunda mübarizə aparmaq imkanı tələb edirik.
Ədaləti təmin etmək üçün klub hər oyundan sonra hakimliyin müstəqil şəkildə nəzərdən keçirilməsini tələb edəcək və yarışın bu əsas aspektini hamı üçün bərabər oyun sahəsi təmin edən səviyyəyə qaldırmağı hədəfləyir", - deyə bəyanatda bildirilir.
