Idman.biz
Qadın voleybolçulardan ibarət Azərbaycan millisi Səudiyyə Ərəbistanının paytaxtı Ər-Riyada keçirilən VI İslam Həmrəyliyi Oyunlarında ikinci qələbəsini əldə edib.
İdman.Biz xəbər verir ki, baş məşqçi Faiq Qarayevin rəhbərlik etdiyi yığma bu dəfə Tacikistan komandası ilə qarşılaşıb.
Azərbaycan millisi bu oyunu da inamlı qələbə ilə yekunlaşdırıb - 3:0 (25:5, 25:11, 25:9).
Yığma daha əvvəl İran komandası üzərində də 3:0 (25:11, 25:16, 26:24) hesabı ilə qələbə qazanıb.
Qeyd edək ki, Azərbaycan millisi noyabrın 9-da Türkiyə komandası ilə qarşılaşacaq. VI İslam Həmrəyliyi Oyunları isə noyabrın 21-də başa çatacaq.
11:36
Bu gün Azərbaycan qadın voleybolçuları VI İslam Həmrəyliyi Oyunlarında Tacikistan yığması ilə qarşılaşacaq.
İdman.Biz xəbər verir ki, bu barədə Azərbaycan Voleybol Federasiyası məlumat yayıb.
Görüş Bakı vaxtı ilə saat 14:00-da start götürəcək.
Qeyd edək ki, Faiq Qarayevin rəhbərlik etdiyi komandamız turnirdəki ilk oyununda İran millisini 3:0 hesabı ilə məğlub edib.
