Idman.biz
Dünyanın ikinci raketkası Yannik Sinner "Six Kings Slam" sərgi turnirinin finalında ispaniyalı birinci raketka Karlos Alkarası 6-2, 6-4 hesabı ilə məğlub etdi.
Qarşılaşma 1 saat 12 dəqiqə davam edib. Bu müddət ərzində italyan 10 breyk-poyntdan üçünü reallaşdırıb, üç eys edib və ikiqat səhv etməyib. İspaniyalı dörd eys edib və üç ikiqat səhvə yol verdi.
Sinner və Alkaras ötənilki finalda da qarşılaşıblar və italyan qalib gəlib.
Bundan əvvəl üçüncü yer uğrunda görüşdə Novak Cokoviç dünyanın dördüncü raketkası Teylor Fritsə uduzub. Oyunçular ilk seti oynayıblar, ondan sonra serb mübarizədən imtina edib.
