Idman.biz
Dördqat "Böyük Dəbilqə" çempionu və dünyanın ikinci raketkası, italyan tennisçi Yannik Sinner qazandığı titulların sayına görə serbiyalı Novak Cokoviçi keçə biləcəyi ilə bağlı fikirlərini bölüşüb.
Sinner Pekində keçirilən "Böyük Dəbilqə" seriyasından olan turnirin finalında amerikalı Löner Tyen üzərində qələbə qazanaraq karyerasında ikinci dəfə bu yarışın qalibi olub - 6:2, 6:2.
"Mən həmişə deyirəm ki, məni Novakla müqayisə etmək düzgün deyil. Novak bacardığı hər şeyi nəzərə alaraq fərqli bir liqadadır. Mən 24 yaşlı adi bir gəncəm, bacardığım ən yaxşı tennisi oynamağa çalışıram. Bəli, gənc karyeramda bir neçə böyük titul qazanmışam, amma bu səviyyəni nə qədər saxlaya biləcəyimi hələ görəcəyik. Novak, Rafa və Rocerin 15 il və ya daha çox müddət ərzində etdikləri isə inanılmazdır", - Sinner deyib.
