Idman.biz
Gürcüstanın Batumi şəhərində təşkil edilən şahmat üzrə komandalar arasında Avropa çempionatında son turun partiyaları oynanılıb.
9-cu turda qitə birinciliyinin liderlərindən olan kişi şahmatçılardan ibarət Azərbaycan millisi çempionatda ilk dəfə məğlubiyyət acısı yaşayıb. Şəhriyar Məmmədyarov, Rauf Məmmədov, Aydın Süleymanlı, Məhəmməd Muradlı və Eltac Səfərlidən ibarət milli Serbiyaya məğlub olub 1-3. Hesabat turunda Ukrayna komandası İngiltərəni üstələyib 2.5-1.5.
Yekunda hesabında 15 xalı olan Ukrayna komandası Avropa çempionatının qalibi olub. 13 xal toplayan Azərbaycan komandası yarışı ikinci pillədə başa vurmaqla gümüş medala layiq görülüb. Serbiya şahmatçıları bürünc medalla kifayətlənib.
Qadınlardan ibarət Azərbaycan komandası isə sonuncu görüşdə Polşaya yenilib - 1.5:2.5. Hesabında 10 xalı olan xanım şahmatçılarımız Avropa çempionatını 10-cu pillədə başa vurub.
17:53
Azərbaycanın kişi şahmat yığması dördüncü dəfə Avropa çempionu olmaq imkanını itirib.
İdman.Biz-in məlumatına görə, Gürcüstanın Batumi şəhərində şahmat üzrə milli komandaların Avropa çempionatının sonuncu – doqquzuncu turunun oyunları keçirilir.
Həlledici qarşılaşma Azərbaycan millisinin uğursuzluğu ilə nəticələnib - komandamız Serbiyaya 1:3 hesabı ilə məğlub olub.
Birinci lövhədə ağ fiqurlarla çıxış edən Şəhriyar Məmmədyarov Aleksey Sarana qarşı görüşdə gözlənilmədən uduzub. Ardınca Aydın Süleymanlı da Robert Markusla partiyada məğlubiyyətlə üzləşib. Bu zaman Eltac Səfərli Velimir İviçi məğlub edərək hesab arasındakı fərqi azaldıb. Lakin Rauf Məmmədovun Aleksandr İnciçə məğlub olması ilə yekun hesab müəyyənləşib - 3:1
Bu məğlubiyyət Azərbaycan şahmatçılarının dördüncü dəfə Avropa çempionu olmaq ümidlərini puç edib. Eyni zamanda, çempionluq uğrunda əsas rəqibimiz - Ukrayna yığması İngiltərə üzərində 2,5:1,5 hesablı qələbə qazanaraq qızıl medallara sahib çıxıb.
Serbiyaya böyük hesabla məğlubiyyətdən sonra Azərbaycan millisi ikinci yeri də əldən verə bilər. Komandamızın yekun mövqeyi bütün qarşılaşmaların başa çatmasından sonra məlum olacaq.
Teymur Tuşiyev
