Idman.biz
Səmərqənddə (Özbəkistan) Azərbaycan şahmatçılarının da mübarizə apardığı mötəbər "Grand Swiss" turniri davam edir.
İdman.biz xəbər verir ki, səkkizinci turda Ülviyyə Fətəliyeva çinli Liu Miaoyi ilə xalları bölüşdürərək, oyunu heç-heçə başa vurub.
Gövhər Beydullayeva isveçrəli Mariya Manko üzərində mühüm qələbə qazanıb və bu, ona turnir cədvəlindəki mövqeyini yaxşılaşdırmağa imkan verib. Xanım Balacayeva isə Aleksandra Kostenyukla heç-heçə oynayıb.
Səkkiz turdan sonra Fətəliyeva və Balacayevanın hərəyə 4,5 xalı var və müvafiq olaraq 12 və 14-cü yerdədir. Beydullayeva 3,5 xal toplayıb və 39-cu yerdədir.
İdman.biz
