Idman.biz
Gürcüstanın Batumi şəhərində qadınlar arasında şahmat üzrə Dünya kuboku davam edir.
İdman.biz xəbər verir ki, azərbaycanlı şahmatçılar çıxışlarını 1/32 final mərhələsində başa vurublar.
Ülviyyə Fətəliyeva gürcüstanlı Lela Cavaxişvili, Gülnar Məmmədova isə Polina Şuvalova (FIDE) ilə bu gün ikinci görüşdə üz-üzə gəliblər. İlk oyunlarında bu rəqiblərə uduzan şahmatçılarımız yollarına davam etmək üçün mütləq qələbə qazanmalı idilər. Amma Ülviyyə heç-heçə oynayıb, Gülnar isə növbəti də məğlub olub.
Qeyd edək ki, ilk mərhələdən sonra Gövhər Beydullayeva və Xanım Balacayeva Dünya kubokunda mübarizəni dayandırıblar.
İdman.biz
***
10:22
Gürcüstanın Batumi şəhərində qadınlar arasında şahmat üzrə Dünya kuboku davam edir.
İdman.biz xəbər verir ki, bu gün iki azərbaycanlı şahmatçının iştirakı ilə 1/32 final mərhələsinin cavab oyunları baş tutacaq.
Ülviyyə Fətəliyeva gürcüstanlı Lela Cavaxişvili, Gülnar Məmmədova isə Polina Şuvalova (FIDE) ilə görüşəcək.
İlk oyunlarında bu rəqiblərə uduzan şahmatçılarımız yollarına davam etmək üçün bu gün mütləq qələbə qazanmalıdırlar.
Qeyd edək ki, ilk mərhələdən sonra Gövhər Beydullayeva və Xanım Balacayeva Dünya kubokunda mübarizəni dayandırıblar.
İdman.biz
