Qarabağ FK
Komandamızın UEFA Çempionlar Liqasının pley-off mərhələsinin ilk oyunları çərçivəsində Zaqreb "Dinamo"suna qarşı keçirəcəyi matçın təyinatları açıqlanıb. Avqustun 20-də Xorvatiyadakı "Maksimir" stadionunda baş tutacaq görüşə İsveçdən olan ədalət təmsilçiləri təyinat alıblar.
Qarşılaşmanı Qlenn Nyuberg idarə edəcək. Mahbod Beigi və Andreas Söderkvist oyunun baş hakiminin köməkçiləri olacaqlar. Adam Ladebek dördüncü hakim funksiyasını yerinə yetirəcək. VAR hakimləri almaniyalı Bastian Dankert və Yohann Pfeifer olacaqlar.
Qeyd edək ki, komandamızın "Dinamo" ilə ilk görüşü Bakı vaxtı ilə saat 23:00-da başlayacaq.
UEFA Çempionlar Liqası
Pley-off mərhələsi, ilk oyun
20 avqust
23:00. "Dinamo" - "Qarabağ"
Baş hakim: Qlenn Nyuberg
Baş hakimin köməkçiləri: Mahbod Beigi, Andreas Söderkvist
Dördüncü hakim: Adam Ladebek (hamısı İsveç)
VAR hakimləri: Bastian Dankert, Yohann Pfeifer (hər ikisi Almaniya)
Zaqreb, "Maksimir" stadionu
