Sport24.az
Bu gün Milan və Kortina-d"Ampezzoda keçirilən Qış Olimpia Oyunlarında təmsilçimiz mübarizəyə başlayır. Sport24.az xəbər verir ki, Vladimir Litvintsev fiqurlu konkisürmədə qısa proqramla çıxış edəcək.
Bu yarış Bakı vaxtı ilə saat 18:30-da start götürəcək.
Azərbaycanın digər idmançısı Anastasiya Papatoma isə fevralın 15-də nəhəng slalomda, üç gün sonra isə slalom növündə gücünü sınayacaq. Bu yarış Kortina-d"Ampezzonun dağ-xizək mərkəzində baş tutacaq.
Qeyd edək ki, 25-ci Qış Olimpiya Oyunları 22 fevralda başa çatacaq.
