Idman.biz
Azərbaycan güləş milli komandasının baş məşqçisi Xetaq Qazyumov Serbiyanın Novi Sad şəhərində keçirilən U-23 dünya çempionatında sərbəst güləşçilərimizin çıxışını qiymətləndirib.
İdman.Biz xəbər verir ki, sərbəst güləşçilərimiz çempionatda 1 dəst medal qazanıblar.
"Çox sevinirik ki, bu yarışda çempionumuz oldu. Kənan Heybətovdan bu qızıl medalı çoxdan gözləyirdik. Gənc güləşçimiz Xetaq Karsanovun yenicə keçdiyi 125 kq-da gümüş medal qazanması da sevindiricidir. Ali Tsokayev də 86 kq-a keçidini medalla qeyd etdi. Ceyhun Allahverdiyev və Fərid Cabbarovdan da medal gözləyirdik.
Onlardan başqa da medal qazana biləcək milli üzvləri var idi. Bəzisi taktiki səhvlərə yol verdi. Bəzisi isə emosiyalarını cilovlaya bilmədi. 3 gündən sonra İslam Həmrəyliyi Oyunlarının hazırlıqlarına başlayacağıq. Bu yarışda aşkarladığımız səhvləri və boşluqları növbəti yarışa qədər aradan qaldırmağa çalışacağıq", - Qazyumov deyib.
