Report.az
Azərbaycanın sərbəst güləş millisinin baş məşqçisi Xetaq Qayzumov dünya çempionatında bəzi güləşçilərdən qızıl medallar gözləyir.
"Report" xəbər verir ki, mütəxəssis bunu açıq məşq zamanı jurnalistlərə açıqlamasında bildirib.
Xetaq Qazyumov: "Dünya çempionatından əvvəl üç təlim-məşq toplanışına qatılmışdıq. Müəyyən zədələr oldu. Bəzi idmançılar xəstələnmişdi. Amma hazırlığımız normal keçib. Məşqçilər olaraq əlimizdən gələni edirik ki, komanda pik formada olsun. Hər şeyin yaxşı olacağına ümid edirik.
Əlimizdən gələni edəcəyik. Müəyyən çəkidəki güləşçilərdən qızıl medallar gözləyirik. Təbii ki, gənclərin də maksimum dərəcədə yaxşı çıxış edəcəyinə ümid bəsləyirik. Amma öncədən proqnoz vermək olmur.
güləş Azərbaycan Güləş Federasiyası mundial
