Idman.biz
Dünya Güləş Birliyi (UWW) Azərbaycan idmançılarının bir sıra kateqoriyalarda lider olduqları reytinq cədvəllərini açıqlayıb.
İdman.biz xəbər verir ki, yunan-Roma güləşçiləri arasında dördqat dünya çempionu Eldəniz Əzizli (55 kq), həmçinin ötən il qeyri-olimpiya çəkilərində dünya çempionu olmuş Nihat Məmmədli (63 kq) və Ülvü Qənizadə (72 kq) birinci mövqedədirlər.
Bu yaxınlarda keçirilən qitə çempionatının qalibləri Həsrət Cəfərov (67 kq) və Qurban Qurbanov (82 kq) reytinqdə üçüncü, Sənan Süleymanov (77 kq) isə dördüncüdür.
Sərbəst güləşdə ən yüksək göstərici Olimpiya Oyunlarının bürünc mükafatçısı Giorgi Meşvildişviliyə (125 kq) məxsusdur. O, üçüncü yerdədir.
Nurəddin Novruzov (61 kq), Kənan Heybətov (70 kq) və 2024-cü il Olimpiya Oyunlarının bürünc mükafatçısı Maqomedxan Maqomedov (97 kq) ilk "üçlüy"ün bir addımlığındadırlar. Onlar dördüncü pillədə qərarlaşıblar.
İdman.biz
