Idman.biz
Azərbaycanın sərbəst güləşçisi Serbiyanın Novi-Sad şəhərində gənclər arasında (U-23) keçirilən dünya çempionatında qızıl medal qazanıb.
İdman.Biz xəbər verir ki, Kənan Heybətov finalda iranlı Sina Xəliliyə 9:4 hesabıyla qalib gələrək U23 dünya çempionu olub.
21:00
Serbiyanın Novi-Sad şəhərində gənclər arasında (U-23) sərbəst güləş üzrə dünya çempionatı davam edir.
İdman.Biz xəbər verir ki, yarışın yeddinci günündə sərbəst güləş üzrə Azərbaycan millisinin dörd üzvü xalça üzərinə çıxıb
61 kq
Ceyhun Allahverdiyev hindistanlı Şubham Şubhama tam üstünlüklə (16:5) qalib gəlsə də, 1/4 finalda türkiyəli Tolqa Özbəyə məğlub olub - 4:6.
65 kq
Ayxan Abdullazadə belaruslu Anatoli Xramikaya (UWW) 9:2 və türkiyəli Abdullah Topraka 7:6 hesabıyla qalib gəldikdən sonra 1/4 finalda özbəkistanlı Ümidcan Cəlalova uduzub - 1:6.
86 kq
Ali Tsokayev qırğızıstanlı Muxammad Abdullayevlə (10:0) yaponiyalı Fumiya İqaraşini (8:0) mübarizədən kənarlaşdırıb. Təmsilçimiz 1/4 finalda rusiyalı Arsen Balayana (UWW) 1:7 hesabı ilə məğlub olub.
97 kq
Zəfər Əliyev ermənistanlı Sergey Sarqsyana 6:5 hesabıyla qalib gəlsə də, 1/8 finalda rusiyalı Soslan Caqayevə (UWW) "tuş"la uduzub.
17:33
Serbiyanın Novi-Sad şəhərində gənclər arasında (U-23) sərbəst güləş üzrə dünya çempionatı davam edir.
İdman.Biz xəbər verir ki, yarışın yeddinci günündə sərbəst güləş üzrə Azərbaycan millisinin dörd üzvü xalça üzərinə çıxıb - Ceyhun Allahverdiyev (61 kq), Ayxan Abdullazadə (65 kq), Əli Tsokayev (86 kq) və Zəfər Əliyev (97 kq).
Allahverdiyev, Abdullazadə və Tsokayev rəqiblərini məğlub edərək 1/4 final mərhələsinə adlayıblar. Zəfər Əliyev isə ikinci görüşdə uduzaraq mübarizəni dayandırıb.
Bu gün Azərbaycan millisinin daha iki idmançısı - Kənan Heybətov (70 kq) və Xetəq Karsanov (125 kq) final görüşünə çıxaraq qızıl medal uğrunda mübarizə aparacaq.
11:04
Serbiyanın Novi-Sad şəhərində gənclər arasında (U-23) sərbəst güləş üzrə dünya çempionatı davam edir.
İdman.Biz-in məlumatına görə, bu gün dörd azərbaycanlı sərbəst güləşçi xalça üzərinə çıxacaq.
Ceyhun Allahverdiyev (61 kq), Ayxan Abdullazadə (65 kq), Əli Çokaev (86 kq) və Zəfər Əliyev (97 kq) mübarizəyə qoşulacaq.
Eyni zamanda, axşam saatlarında Azərbaycan yığması iki "qızıl" medal qazanmaq şansına sahib olacaq. Kənan Heybatov (70 kq) və Xetaq Karsanov (125 kq) öz çəki dərəcələrinin final görüşlərində qüvvəsini sınayacaqlar.
Hazırda Azərbaycan millisinin hesabında dörd medal var: iki qızıl və iki bürünc. Elmir Əliyev (55 kq) və Ziya Babashov (63 kq) dünya çempionu olublar. Ruslan Nurullayev (72 kq) və Günay Qurbanova (59 kq) isə üçüncü yerləri tutublar.
