Idman.biz
İtaliyanın Kaorle şəhərində güləş üzrə U-20 Avropa çempionatı davam edir.
İdman.biz xəbər verir ki, qitə birinciliyinində yunan-Roma güləşində son qaliblər bəlli olub.
Bu gün daha 4 güləşçimiz medal uğrunda yarışır. Onlardan üçü medala sahib çıxıb.
U20 Avropa çempionatı
Yunan-Roma güləşi
60 kq
Ayxan Cavadov finalda isveçli Adam Silverinlə qarşılaşıb. Gərgin keçən mübarizə 1:1 hesabı ilə yekunlaşıb. Ayxan keyfiyyətli xal hesabına Avropa çempionu olub.
67 kq
Fəraim Mustafayev bürünc uğrunda Abdullah Keskinlə (Türkiyə) güləşib. 7:5 hesabı ilə qalib gələn Fərahim çempionatı 3-cü pillədə başa vurub.
72 kq
Seymur Qasımov bürünc medal qazanmaq şansını qaçırıb. O, yunanıstanlı Arionas Kolitsopulosa 1:3 hesabı ilə uduzub.
82 kq
Elmin Əliyev bürünc medal uğrunda serbiyalı Oqnyen Yakovlyeviç yarışıb. 11:0 hesabı ilə qalib gələn idmançımız fəxri kürsüdə yer alıb.
Qeyd edək ki, yarışın ikinci günündə yunan-Roma güləşçiləri 1 qızıl, 3 gümüş qazanıblar.
