Report.az
"Hər bir güləşçinin yarışda göstərdiyi mübarizədən razıyam."
Bunu "Report"un Qərb bürosuna açıqlamasında yunan-Roma güləşi üzrə U-17 milli komandanın böyük məşqçisi Taleh İsrafilov bildirib.
O, mübarizə apardıqları ölkələrin komandalarının güclü olduğunu da vurğulayıb:
"Onlardan Özbəkistan komandasının 4 dünya birincisi olmuş güləşçisi də vardı. Bu yarışlarda 3-ü qızıl olmaqla, ümumilikdə 6 medal qazandıq. İdmançılarımızın gələcəkdə də beynəlxalq yarışlarda uğurlar qazanaraq, bayrağımızı ucaldacağına inamım çoxdur".
Böyük məşqçi deyib ki, belə yarışların Azərbaycanda təşkil olunması qürurvericidir.
Qeyd edək ki, III MDB Oyunları çərçivəsində Gəncə Olimpiya İdman Kompleksində keçirilən yunan-Roma güləşi üzrə yarışda Azərbaycan güləşçiləri 3 qızıl, 2 gümüş və 1 bürünc medal qazanıblar.
