Idman.biz
Güləş üzrə ilin ilk dünya çempionatına start verilib.
İdman.biz xəbər verir ki, Yunanıstanın paytaxtı Afinada U-17 kateqoriyasında xalça üzərinə ilk olaraq yunan-Roma güləşçiləri çıxıblar.
Azərbaycan millisinin mübarizəyə qoşulan 5 idmançısından 3-ü ən yaxşı halda bürünc medal qazana bilər.
Yunan-Roma güləşi
4️8️ kq
Qurban Məcnunov 1/8 finalda qazaxıstanlı Nurdaulet Kumaruliyə 0:10 hesabıyla məğlub olub.
5️5️ kq
Nihat Bəhmənov ermənistanlı Merujan Mxitaryana 5:1, rumıniyalı Patrik Kroitoruya 3:1 hesabıyla qalib gələrək 1/4 finala yüksəlib. Ancaq 1/4 finalda qazaxıstanlı Nurali Askara 0:2 hesabıyla uduzub.
6️5️ kq
Hüseyn İsgəndərov niderlandlı Mate Van Osa 5:4 hesabıyla qalib gəlsə də, 1/8 finalda ermənistanlı Janes Nazaryana 1:9 hesabıyla məğlub olub.
8️0️ kq
Nicat Yeylaqaliyev yunanıstanlı Stefanos Konstantinosa (8:0) və qazaxıstanlı Mardanbek Maxkambayevə tam üstünlüklə (13:5) qalib gəlib. Ancaq 1/4 finalda gürcüstanlı Luka Martiaşviliyə "tuş"la uduzub.
1️1️0️ kq
Rihad İbrahimli təsnifat mərhələsində özbəkistanlı Sayidəmir Nemətova 0:10 hesabıyla məğlub olub.
Qurban, Nihat, Hüseyn və Nicatın rəqibi yarımfinaldadır. Onlar finala yüksəlsə, təmsilçilərimiz sabah təsəlliverici görüşə çıxacaqlar.
Qeyd edək ki, mundial avqustun 3-dək davam edəcək.
İdman.biz
