Idman.biz
Şimali Makedoniyanın paytaxtı Skopyedə güləş üzrə U-17 Avropa çempionatı davam edir.
İdman.biz xəbər verir ki, qitə birinciliyinin növbəti günündə sərbəst güləşçilər arasında ilk medalçılar bəlli olub.
İki güləşçimiz qızıl, ikisi isə bürünc uğrunda yarışır.
U-17 Avropa çempionatı
Sərbəst güləş
4️8️ kq
Rəvan Həsənzadə finalda Artak Aqabekyanla (Ermənistan) qarşılaşıb. 4:0 hesabı ilə qalib gələn güləşçimiz Avropa çempionu tituluna sahib çıxıb.
5️5️ kq
Ruslan Əlizadə həlledici görüşdə Maxaç Abdullayevlə (UWW) üz-üzə gəlib. Gərgin keçən qarşılaşmada azərbaycanlı güləşçi 3:2 hesabı ilə qələbə qazanaraq, fəxri kürsünün ən yüksək pilləsində yer alıb.
6️5️ kq
Tunar Nəsibov bürünc medal uğrunda türkiyəli İsmail Mertkollu ilə qüvvəsini sınayacaq.
1️1️0️ kq
Hakim Tağıyev bürünc uğrunda Qyeorqi Yuhaşla (Macarıstan) güləşəcək.
Yarımfinallar Bakı vaxtı ilə 18:45-də başlayacaq.
Qeyd edək ki, bu gün Nəzrin Əhmədli (46 kq) təsəlliverici görüşdə Şimali Makedoniya təmsilçisi Spasila Vasilevaya "tuş"la qalib gəlib. O, bürünc medal uğrunda görüşdə Almaniyanı təmsil edən soydaşımız Mədinə Bayramova ilə güləşəcək.
İdman.biz
