Idman.biz
Şimali Makedoniyanın paytaxtı Skopyedə güləş üzrə U-17 Avropa çempionatı davam edir.
İdman.biz xəbər verir ki, qitə birinciliyinin növbəti günündə sərbəst güləşçilər arasında ilk medalçılar bəlli olub.
İki güləşçimiz qızıl, ikisi isə bürünc uğrunda yarışır. Onlardan üçü fəxri kürsüdə yer almağı bacarıb.
U-17 Avropa çempionatı
Sərbəst güləş
4️8️ kq
Rəvan Həsənzadə finalda Artak Aqabekyanla (Ermənistan) qarşılaşıb. 4:0 hesabı ilə qalib gələn güləşçimiz Avropa çempionu tituluna sahib çıxıb.
5️5️ kq
Ruslan Əlizadə həlledici görüşdə Maxaç Abdullayevlə (UWW) üz-üzə gəlib. Gərgin keçən qarşılaşmada azərbaycanlı güləşçi 3:2 hesabı ilə qələbə qazanaraq, fəxri kürsünün ən yüksək pilləsində yer alıb.
6️5️ kq
Tunar Nəsibov bürünc medal uğrunda türkiyəli İsmail Mertkollu ilə qüvvəsini sınayıb. 2:4 ilə uduzan gələşçimiz çempionatı medalsız başa vurub.
1️1️0️ kq
Hakim Tağıyev bürünc uğrunda Qyeorqi Yuhaşla (Macarıstan) güləşib. 2:0 hesabı ilə qalib gələn pəhləvanımız 3-cü yeri tutub.
Qeyd edək ki, sabah daha iki güləşçimiz finalda mübarizə aparacaq.
İdman.biz
