Idman.biz
Azərbaycan güləşçisi Sabir Cəfərovun Azərbaycan Milli Antidopinq Agentliyi (AMADA) tərəfindən 48 aylıq diskvalifikasiya edilməsinin səbəbi məlum olub.
İdman.Biz-in əldə etdiyi məlumata görə, Sabir Cəfərov əməliyyatdan sonra qadağan olunmuş dərmanlardan istifadə edib və bu barədə milli komandanın həkimlərini məlumatlandırmayıb.
Halbuki, 24 yaşlı idmançı istifadə olunan preparatların adlarını AMADA-ya təqdim edilməli idi. Nəticədə, onun qanında bəyan edilməmiş və qadağan olunmuş maddələr aşkar edilib.
Qeyd edək ki, diskvalifikasiya müddəti 1 sentyabr 2025-ci ildən hesablanır və 31 avqust 2029-cu ildə başa çatacaq. Bu müddət ərzində idmançı beynəlxalq və milli federasiyaların himayəsi altında keçirilən rəsmi yarışlarda iştirak edə bilməyəcək.
14:41
Azərbaycan güləşçisi Sabir Cəfərov 48 aylıq diskvalifikasiya olunub.
İdman.Biz xəbər verir ki, bu barədə Azərbaycan Milli Antidopinq Agentliyi (AMADA) məlumat yayıb.
Bildirilib ki, idmançı iki maddəyə əsasən cəza ilə üzləşib.
Onun nümunəsində qadağan edilmiş maddə, onun metabolitləri və ya markerlərinin mövcudluğu aşkarlanıb. Həmçinin idmançı tərəfindən qadağan edilmiş maddə, qadağan edilmiş üsuldan istifadə və ya istifadə cəhdi olub.
2025-ci il sentyabrın 1-dən başlayan sanksiya 2029-cu il avqustun 31-də başa çatacaq.
