Idman.biz
"Bu gün mənim üçün xüsusi və qürurverici bir gündür".
İdman.biz xəbər verir ki, bunu yunan-Roma güləşi üzrə Olimpiya mükafatçısı, dünya və Avropa çempionu Rafiq Hüseynov sosial şəbəkə hesabında yazıb.
O, Milli Olimpiya Komitəsinin Atletlər Komissiyasının üzvü seçilməsinə münasibət bildirib: "Rəsmi olaraq Atletlər Komissiyasına üzv seçildim. Bu məsuliyyətli və eyni zamanda şərəfli vəzifənin öhdəsindən layiqincə gəlməyə çalışacağam. İdmançıların səsini çatdırmaq, onların hüquqlarını qorumaq və daha sağlam idman mühitinin qurulmasına töhfə vermək üçün əlimdən gələni edəcəyəm. Etimad göstərən hər kəsə təşəkkür edirəm".
Qeyd edək ki, 2025-2028-ci illər dövrü üçün Rüstəm Orucov (cüdo) komissiyanın sədri, Fəridə Əzizova (taekvondo) sədr müavini, Leyla Əliyeva (cüdo), İradə Aşumova (atıcılıq), Hacı Əliyev (güləş), Nazim Babayev (atletika), Rafiq Hüseynov (güləş), Fatimə Alkərəmova (üzgüçülük), Rəsul Çunayev (güləş) komissiyanın üzvləri kimi fəaliyyət göstərəcək.
İdman.biz
