Idman.biz
Azərbaycan sərbəst güləşçisi Osman Nurməhəmmədov (92 kq) Zaqrebdə (Xorvatiya) keçirilən dünya çempionatında bürünc medal qazanıb.
İdman.biz-in məlumatına görə, üçüncü yer uğrunda mübarizədə Nurməhəmmədov gürcüstanlı Miriani Maysuradzeni 5:1 hesabı ilə məğlub edib.
Xatırladaq ki, bundan əvvəl dünya çempionatının gümüş medalını Giorgi Meşvildişvili (125 kq), Nurəddin Novruzov (61 kq) və Arseni Cioyev (86 kq) isə bürünc medalla başa vurub.
***
Azərbaycanın sərbəst güləşçisi Cəbrayıl Hacıyev (79 kq) Zaqrebdə (Xorvatiya) keçirilən dünya çempionatında bürünc medal uğrunda qarşılaşmanı məğlub başa vurub.
Hacıyev üçüncü yer uğrunda mübarizədə Aşqar Noxodilarmiyə (İran, 2:4) məğlub olub.
Azərbaycanın daha bir təmsilçisi bürünc qazanmaq şansına malikdir - Osman Nurməhəmmədov (92 kq) Miriani Maysuradze (Gürcüstan) ilə döyüşəcək.
Xatırladaq ki, bundan əvvəl Giorgi Meşvildişvili (125 kq) dünya çempionatının gümüş, Nurəddin Novruzov (61 kq) və Arseni Cioyev (86 kq) isə bürünc medal qazanıblar.
***
Xorvatiyanın paytaxtı Zaqrebdə güləş üzrə dünya çempionatı davam edir.
Azərbaycan millisinin heyətində bu gün daha 3 idmançı mübarizəyə qoşulacaq.
Sərbəst güləş
65 kq
Əli Rəhimzadə 1/16 finalda İslam Hüseynovla (UWW) güləşəcək.
97 kq
Maqomedxan Maqomedov təsnifat mərhələsində hindistanlı Viki Viki ilə üz-üzə gələcək.
Qadın güləşi
59 kq
Günay Qurbanova təsnifat mərhələsində Otelie Heie (Norveç) ilə münasibətinə aydınlıq gətirəcək.
Qeyd edək ki, bu gün daha iki sərbəst güləşçimizin medal şansı var. Osman Nurməhəmmədov (92 kq) bürünc medal uğrunda, Cəbrayıl Hacıyev (79 kq) təsəlliverici qarşılaşmada mübarizə aparacaq.
Mundialın ilk 2 günündə Giorgi Meşvildişvili (125 kq) gümüş, Nürəddin Novruzov (61 kq) və Arseniy Djioyev (86 kq) bürünc mükafat qazanıblar.
İdman.biz
