Idman.biz
İranın Behşehr şəhərində sərbəst güləş üzrə "Necad Haşimi kuboku" turnirinə start verilib.
İdman.biz xəbər verir ki, ilk yarış günündə 57, 65, 74, 86 və 97 kq-da qaliblər müəyyənləşib.
20 yaşadək güləşçilərdən ibarət Azərbaycan millisinin pəhləvanları da fərqlənənlər sırasında yer alıblar. 7 ölkənin idmançılarının mübarizə apardığı ənənəvi turnirin ilk günündə 2 təmsilçimiz fəxri kürsüyə qalxıb.
Omar Gülməmmədov (74 kq) gümüş Sədrəddin Həsənov (57 kq) isə bürünc medal qazanıb. Vasif Bağırov, Hüseyn Hüseynov (hər ikisi 57 kq) və Məhəmməd Abbaszadə (86 kq) beşinci yerlə kifayətlənib.
Qeyd edək ki, bu gün 61, 70, 79, 92 və 125 kq-da medalçılar məlum olacaq.
İdman.biz
