Idman.biz
34 ildən sonra ilk dəfə, Yaponiyadan kənarda, İngiltərənin paytaxtı Londonda sumo üzrə nüfuzlu "Grand Sumo" turniri başa çatıb.
İdman.Biz xəbər verir ki, Londonun məşhur "Royal Albert Hall" kompleksində keçirilən yarışda dünyanın 40 ən güclü sumoçusu iştirak edib.
Beş görüşün hamısında qələbə qazanan monqolustanlı Hoşoryu Tomokatsu turnirin qalibi olub.
Təşkilatçılar bu dəfə mərasimi daha bayram ab-havasında keçirmək üçün qalibi qeyri-adi hədiyyələrlə sevindiriblər - Hoşoryuya ənənəvi kubokla yanaşı, nəhəng "Hello Kitty" oyuncağı və eyni ölçüdə soya sousu butulkası təqdim olunub.
İştirakçıların ümumi çəkisi altı tondan artıq olduğuna görə, yarışdan əvvəl təşkilatçılar zalda oturacaqları gücləndirilmiş konstruksiyalarla əvəzləyib və tualetlərdəki unitazları da möhkəmləndiriblər.
Qeyd edək ki, 2026-cı il sumo üzrə dünya çempionatı Bakıda keçiriləcək. Yarışın dəqiq tarixləri hələ müəyyənləşməyib.
Teymur Tuşiyev
