Idman.biz
Yunan-Roma güləşi üzrə 55 kq çəki dərəcəsində çıxış edən dördqat dünya çempionu Eldəniz Əzizli bu gün beşinci qızıl medalı uğrunda mübarizəyə başlayır.
İdman.biz xəbər verir ki, artıq çempionluq uğrunda favoritlərdən biri hesab olunan idmançımızın şansları kəskin artıb.
33 yaşlı Əzizlinin əsas rəqibi son Avropa çempionatının finalında onu məğlub etmiş rusiyalı Emin Səfərşayev bu gün Zaqreb xalçalarına çıxmayacaq.
Federasiyadan redaksiyamıza verilən məlumata görə, ikiqat Avropa çempionu Səfərşayev Zaqrebdə hotelə çatdıqdan dərhal sonra saxlanılıb, vizası ilə bağlı problem səbəbindən bir neçə saat polis bölməsində qalıb və sonradan ölkədən deportasiya edilib.
Qeyd edək ki, Əzizli çempionluq yolunda ilk görüşünü Hindistan təmsilçisi Anil Mor ilə keçirəcək.
İdman.biz
