Idman.biz
Altıqat dünya çempionu və ikiqat olimpiya çempionu Əbdülrəşid Sadulayev sentyabrın 13-dən 21-dək Xorvatiyanın Zaqreb şəhərində keçiriləcək 2025-ci il güləş üzrə dünya çempionatında iştirak etməyəcək.
İdman.biz bu barədə Beynəlxalq Güləş Federasiyasının (UWW) mətbuat xidmətinə istinadən xəbər verir.
Əbdülrəşid Sadulayev UWW-dən yarışda iştirak etmək üçün icazə alan güləşçilər siyahısına daxil edilib. Lakin idmançı turnirin keçirildiyi ölkəyə daxil olmaq üçün vaxtında Şengen vizasını ala bilməyib. Turnirdə 97 kq çəki dərəcəsində onu 2021-ci il dünya çempionatının gümüş mükafatçısı rusiyalı Maqomed Kurbanov əvəzləyəcək.
Qeyd edək ki, Sadulayev 92 kq çəki dərəcəsində hazırkı dünya çempionudur. Final döyüşündə o, 2020-ci ilin Olimpiya çempionu amerikalı Devid Teylora 7:0 hesabı ilə qalib gəlib.
İdman.biz
