İdman.biz
İordaniyanın paytaxtı Ammanda güləş üzrə U-17 dünya çempionatı davam edir.
İdman.biz xəbər verir ki, mundialın beşinci günündə qızlar güləşçilərin mübarizəsi başa çatacaq.
Medallar uğrunda Azərbaycan millisinin 3 idmançısı xalçaya çıxacaq. Onların hər üçü 3-cü yer uğrunda yarışacaq.
U-17 dünya çempionatı
Qadın güləşi
40 kq
Yarımfinalda məğlub olan Nəzrin Əhmədli bürünc medal uğrunda güləşəcək. Onun rəqibi macarıstanlı Szentpal Vivien olacaq.
6️1️ kq
Günay Qurbanova da 3-cü yer uğrunda yarışacaq. Finala yüksələ bilməyən milli üzvü bürünc görüşündə Rajnita Rajnitanı (Hindistan) sınağa çəkəcək.
6️9️ kq
Zəhra Kərimzadə də medal uğrunda mübarizəni davam etdirəcək. Güləşçimiz 3-cü yer uğrunda türkiyəli Cin İlayda ilə münasibətinə aydınlıq gətirəcək.
Qeyd edək ki, millimiz mundiala 6 qız güləşçi ilə yollanıb və onlardan 3-ü yarışla medalsız vidalaşıblar.
İdman.biz
