Idman.biz
Bu gün Macarıstanın paytaxtı Budapeştdə reytinq turniri başlayıb.
İdman.biz xəbər verir ki, ilin son reytinq yarışında mübarizəyə ilk sərbəst güləşçilər start veriblər.
İki idmançımız turnirin finalına vəsiqə qazanıb. Hər iki güləşçimiz günü gümüş medalla başa vurub.
Reytinq turniri
Sərbəst güləş
57 kq
İslam Bazarqanov belaruslu Aryan Tsiutrinə (5:2), qazaxıstanlı Adilet Almuxamedova (10:2) və gürcüstanlı Roberti Dinqaşviliyə (5:2) qalib gələrək finala yüksəlib. İslam finalda amerikalı Luk Lilledalla qarşılaşıb. Görüş güləşçimizin 1:3 hesablı məğlubiyyəti ilə başa çatıb və o, fəxri kürsünün ikinci pilləsində yer alıb.
65 kq
Əli Rəhimzadə gürcüstanlı Qoderdzi Cebisaşvili (3:1), qazaxıstanlı Şerxan Abil (11:0) və bəhreynli Alibeq Alibeqovanı (9:2) mübarizədən kənarlaşdırıb. Finala yüksələn idmançımız Suceet Suceetlə (Hindistan) güləşib. 1:5 hesabı uduzan Əli gümüşə yiyələnib.
70 kq
Kənan Heybətov təsnifat mərhələsində iranlı Abbas İbrahimzadəsavadxuiyə 4:9 hesabıyla məğlub oldu.
Giorgi Meşvildişvili (125 kq) zədələndiyi üçün yarışda iştirak etməyib.
Qeyd edək ki, yarış iyulun 20-dək davam edəcək.
İdman.biz
