Idman.biz
Budapeştdə yunan-Roma güləşi üzrə reytinq turniri keçirilir.
İdman.biz xəbər verir ki, yarışda Azərbaycan təmsilçiləri də qələbə uğrunda mübarizə aparırlar.
Yunan-Roma güləşi
60 kq
Nihat Məmmədli koreyalı Seunqhak Kimə (9:0), özbəkistanlı Mehrac Bəhramova (4:0) və serbiyalı Georgi Tibilova (3:2) qalib gələrək finala yüksəlib. Nihat finalda hindistanlı Sumit Sumitlə güləşəcək.
İlkin Qurbanov isə 1/8 finalda qazaxıstanlı Qalim Kabdunassarova 1:9 hesabıyla məğlub olub.
63 kq
Ziya Babaşov təsnifat mərhələsində özbəkistanlı Asiya çempionu və dünya üçüncüsü İslamcan Bəhramova sonuncu xal prinsipinə əsasən (3:3) məğlub olub.
67 kq
Fərid Xəlilov koreyalı Byeonqqi Seoya 6:0 hesabıyla qalib gəlsə də, 1/4 finalda gürcüstanlı dünya və Avropa çempionu Leri Abuladzeyə ilk xal prinsipinə əsasən (1:1) məğlub olub.
77 kq
Sənan Süleymanov serbiyalı Aleksa İliçə (4:0) və moldovalı Aleksandrin Qutuya (8:0) qalib gələrək 1/4 finala yüksəlib.
Ülvü Qənizadə xorvatiyalı Antonio Kamenyaseviçə (1:1) və koreyalı Hyeonjin Kanqa (3:3) qalib gələrək 1/4 finala yüksəlib.
1/4 finalda Ülvü Sənanla görüşdə xalçaya çıxmadığı üçün Süleymanov yarımfinala vəsiqə qazanıb. Sənan yarımfinalda rusiyalı Sergey Kutuzova (UWW) 6:8 hesabıyla məğlub olub və axşam seansında macarıstanlı Levente Levayla bürünc medal uğrunda güləşəcək.
82 kq
Qurban Qurbanov zədələndiyi üçün təsnifat mərhələsində moldovalı Mixail Bradu ilə görüşə çıxmayıb və yarışdan çəkilib.
97 kq
Murad Əhmədiyev türkiyəli Abdulkadir Çebiyə (3:1), serbiyalı Uros Krstinə (9:0) və gürcüstanlı Giorgi Katsanaşviliyə (8:0) qalib gələrək yarımfinala yüksəlib. Murad yarımfinalda gürcüstanlı Giorgi Meliaya 1:5 hesabıyla məğlub olub və axşam seansında bürünc medal uğrunda rusiyalı İliya Yermolenkoyla (UWW) güləşəcək.
Arif Niftullayev hindistanlı Niteş Niteşə (9:0) və qazaxıstanlı Yussuf Matsiyevə (2:2) qalib gəlsə də, 1/4 finalda gürcüstanlı Giorgi Meliaya (tuş), təsəlliverici görüşdə isə rusiyalı İliya Yermolenkoya (3:3) məğlub olub.
İdman.biz
