Report.az
Azərbaycanın sərbəst güləşçiləri Kənan Heybətov və Xetaq Karsanov Serbiyanın Novi Sad şəhərində keçirilən U-23 dünya çempionatını medalla başa vurublar.
"Report" Güləş Federasiyasının mətbuat xidmətinə istinadən xəbər verir ki, K.Heybətov (70 kq) finalda iranlı Sina Xəliliylə qarşılaşıb.
İlk hissədə rəqib üstün olsa da, həmyerlimiz əzmkar qələbə qazanıb. Rəqibinə 9:4 hesabıyla qalib gələn Kənan ilk dəfə dünya çempionu adını qazanıb.
X.Karsanov (125 kq) da finalda İran təmsilçisiylə qarşılaşıb. Ancaq bu ildən ən ağır çəkidə çıxış etməyə başlayan milli üzvü Abolfazl Necada məğlub olaraq (0:11) gümüş medalı boynundan asıb.
