Idman.biz
"Daha buraxdığım turnirləri saymaq istəmirəm. Qayıdacağım günləri sayıram".
İdman.biz xəbər verir ki, bu barədə qılıncoynatma üzrə Azərbaycan yığmasının üzvü Anna Başta sosial şəbəkə hesabında yazıb.
Ağır zədədən sonra bərpa prosesi keçən sablyaçı Tbilisidə start götürən qılıncoynatma üzrə dünya çempionaytını vurğulayaraq, idmanın ona çox şey öyrətdiyini qeyd edib: "Artıq 5-ci dəfədir... Mən yarışda iştirak etmirəm. Həkimlər icazə vermir. Olmaz. Hələ tezdir. İdman mənə mübarizə aparmağı öyrədir. İndi gözləməyi öyrədir. Qılıncım və medalların çəkisini dəqiq bilirəm. İdman mənə güclü əzələlər və kövrək xəyallar verdi. İndi bu, mənə istənilən finaldan daha çətin dərs verir".
Qeyd edək ki, martda Yunanıstanda keçirilən Dünya kuboku zamanı ayağından zədələnən Başta əməliyyat olunub.
İdman.biz
